நியுயார்க் லகாடியா ஏர்போர்ட்டிலிருந்து சற்று நேரத்திற்கு முன் சார்லோட் (Charlotte) நோக்கிக் கிளம்பிய 1549 விமானத்தில் எதிர்பாரா விதமாக பறவை மோதியது. இதை சற்றும் எதிர்பாராத விமானி உடனடியாக அருகிலுள்ள விமான நிலையத்துக்குத் தகவல் தந்தார். இருப்பினும் தனது கட்டுப்பாட்டை மீறி விமானம் ஹட்சன் நதிக்குள் விழுந்தது.
தற்போது அமெரிக்காவில் கடும் குளிர்காலமாதலால் ஹட்சன் நதி கிட்டத்தட்ட பனிக்கட்டியாகவே இருந்தது. ஆனால் சாமர்த்தியமாக விமானி பயணிகளுக்குச் சேதமில்லாத வகையில் விமானத்தை இயக்கியதால் பயணிகளுக்கு எந்தவித பாதிப்பும் இல்லை. பயணிகளை உடனடியாக மீட்கும் பணி முடுக்கிவிடப்பட்டுள்ளது. இதில் சுமார் 150 பயணிகள் பயணம் செய்தனர் என்பது குறிப்பிடத்தக்கது. மீட்புப்படையினர் பயணிகளை மீட்கும் பணியில் தொடர்ந்து போராடி வருகின்றனர்.
No comments:
Post a Comment