திமுக எம்பி வசந்தி ஸ்டான்லி கணவர் திடீர் மரணம்

திமுக நாடாளுமன்ற மாநிலங்களவை உறுப்பினர் வசந்தி ஸ்டான்லியின் கணவர் ஸ்டான்லி ராஜன் மாரடைப்பால் திடீரென மரணமடைந்தார்.அவருக்கு வயது 46.

விருதுநகர் மாவட்டம் வத்திராயிருப்பைச் சேர்ந்தவர் வசந்தி ஸ்டான்லி. திமுக கழகத்தின் சிறந்த பேச்சாளரான இவர் ராஜ்யசபா திமுக எம்.பியாக உள்ளார். இவரது கணவர் ஸ்டான்லி ராஜன். மருந்து நிறுவனமும்,சினிமா தயாரிப்புத் தொழிலிலும் ஈடுபட்டுவந்தார்.சதயராஜ் நடித்த சுயேட்சை எம்எல்ஏ என்ற படத்தின் தயாரிப்பாளர் ஆவார்.இவர் மேலும் பல்வேறு திரைப்படங்கள் தயாரிக்கும் பணியிலும் ,ஊடகத் துறையிலும் தீவிரமாக களமிறங்கத் திட்டமிட்டிருந்தார்.அதற்கான பணிகளிலும் அவர் மும்முரமாக ஈடுபட்டிருந்தார்.

சென்னையில் இருந்த அவருக்கு திடீரென உடல் நலம் பாதிக்கப்பட்டது.உடனடியாக மருத்துவமனையில் அனுமதிக்கப்பட்டார். ஆனால் சிகிச்சை பலனின்றி அவர் நேற்று மரணமடைந்தார்.

இதையடுதத்து அவரது உடல் நெல்லை கொண்டு செல்லப்பட்டது. இன்று அவரது இறுதிச் சடங்குகள் நடைபெற்றன.இதில் ஏராளமான திமுக பிரமுகர்கள் கலந்து கொண்டு இறுதி அஞ்சலி செலுத்தினர்.